O‘zbekistonning yana to‘rtta viloyatida quyosh elektr stansiyalari barpo etiladi

O‘zbekiston Respublikasining Namangan, Surxondaryo, Qashqadaryo va Navoiy viloyatlarida har birining loyiha quvvati 100 mVt bo‘lgan quyosh elektr stansiyalarini barpo etish rejalashtirilmoqda. Mazkur loyihalar 2017-2021 yillar oralig‘ida bosqichma-bosqich amalga oshiriladi. 

O‘zbekiston Respublikasi Iqtisodiyot vazirligi tomonidan O‘zbekiston Fanlar akademiyasi, «O‘zbekenergo» AJ, boshqa manfaatdor vazirlik va idoralar bilan hamkorlikda ishlab chiqilgan O‘zbekiston Respublikasi Prezidentining «2017-2021 yillarda qayta tiklanuvchi energiyani yanada rivojlantirish, iqtisodiyotning turli sohalari va ijtimoiy sohada energiya samaradorligini oshirish to‘g‘risida»gi yangi qarori loyihasida shu haqda so‘z yuritilgan. Ayni vaqtda qaror matni muhokama qilinmoqda.

Ushbu loyihalarning har birining qiymati 210 mln dollardan bo‘ladi va bosqichma-bosqich quriladi.