La-Liga. Ramosning goli "Real"ni peshqadamga aylantirdi

Ispaniya chempionatining 27-turida "Real Madrid" o‘z uyida "Betis"ni qabul qildi. Shiddatli kechgan uchrashuv madridliklarning 2:1 hisobidagi g‘alabasi bilan yakunlandi. 

Dastlab 25-daqiqada Navasning avtogoli evaziga mehmonlar hisobni ochishdi. Birinchi bo‘limning so‘nggi daqiqalarida Ronaldu oradagi farqni tenglashtirdi. G‘alaba golini yana eski tandem tomonidan kiritildi – 81-daqiqasi Kroosning burchakdan yetkazib bergan to‘pini Ramos darvozaga kiritdi. 

Ushbu turdan so‘ng "Real Madrid" 62 ochko bilan "Barselona"ni (60 ochko) ortda qoldirib, peshqadamga aylanib oldi. 

Real Madrid – Betis 2:1 
Gollar: 0:1 – 25, avtogol Navas, 1:1 – 41 Ronaldu, 2:1 – 81 Ramos.
Real Madrid – Navas, Nacho, Marselo, Karvaxal, Ramos, Modrich, Kroos, Isko (Asensio, 79), Xames (Vaskes, 69), Ronaldu, Morata (Benzema, 71).
Betis – Adan, Petstselya, Toshka, Durmisi, Mandi (Rafa Navarro, 84), Pardo, Brashanats (Alegriya, 86), Sebalos, Pichchini, Sanabriya, Ruben Kastro (Petros, 64).
Ogohlantirishlar: Pichchini (30), Marselo (87).
Chetlatish: Pichchini (78).