Toshkent viloyati Rossiyaning Leningrad viloyati bilan hamkorlikni yo‘lga qo‘yadi

Toshkent viloyati savdo-sanoat palatasi va Rossiyaning Leningrad viloyati savdo-sanoat palatasi hamkorlik haqidagi kelishuvni imzoladi.

Hujjat Toshkent viloyati hokimi Shukurullo Boboyev boshchiligidagi O‘zbekiston delegatsiyasining Leningrad viloyatiga tashrifi davomida imzolangan.

Hujjatga ko‘ra, tomonlar savdo-iqtisodiy va ilmiy-texnik munosabatlarni mustahkamlash maqsadida Toshkent viloyati va Leningrad viloyati kompaniyalari, korxonalari, tashkilotlari va tadbirkorlari o‘rtasida aloqalarni rivojlantirishga ko‘mak ko‘rsatadilar.  

Tomonlar iqtisodiy hamkorlik va savdo ayirboshlashuvini rivojlantirish uchun imkoniyatlarni kengaytirishga intiladilar. Shu sababli tomonlar bozorlarni o‘zaro o‘rganish bo‘yicha choralar ko‘radilar 

Shuningdek, tomonlar savdo delegatsiyalari bilan ayirboshlashuvni qo‘llab-quvvatlashga va ikki davlat vakillari uchrashuvlarini tashkillashtirish masalalarida ko‘makni ta'minlashda yordam beradilar.