OAV: AQSh Janubiy Koreyani yadro urushi o‘chog‘iga aylantirmoqda

Janubiy Koreya hududida Amerikaning THAAD raketa majmuasi joylashtirilishi “uning milliy manfaatlariga zid va yadro urushining Amerika o‘chog‘iga aylantirmoqda”. Bu haqda KXDRning "Nodon sinmun" markaziy gazetasida e'lon qilingan maqolada aytiladi. Nashr murakkab ichki siyosiy vaziyatda “AQSh yordamida Shimoldagi hamyurtlari bilan mojaroni kuchaytirayotgan” Seulni tanqid qilgan.

Koreya Mehnat partiyasi MQ organining ogohlantirishicha, Janubiy Koreyada THAAD majmuasi joylashtirilishiga javoban KXDR “o‘zining yadroviy “bosib turish” salohiyatini son va sifat jihatidan kuchaytirib boradi”. Gazeta janubiy koreyaliklarga “koreya millatini yadro urushiga tashlashga tayyor bo‘lgan hukumat tepasidagi xoinlarni bortdan tashqariga uloqtirishni” taklif qilmoqda.

Janubiy Koreyada THAAD RQM tizimini joylashtirish haqidagi qaror AQShning Barak Obama boshchiligidagi avvalgi ma'muriyati tomonidan 2016 yilda qabul qilingan. Vashington va Seul KXDRdagi bir necha raketa sinovlaridan so‘ng bu yo‘nalishdagi ishni tezlashtirishga qaror qilishdi. Rossiya va Xitoy esa ushbu tizimni joylashtirishga faol ravishda qarshi chiqmoqda.