Qora dengizga AQSh desant kemasi kirdi

Qora dengizga AQSh harbiy-dengiz kuchlariga tegishli Carter Hall desant kemasi kirdi. Kema Ruminiya floti bilan birgalikdagi harbiy mashg‘ulotlarda ishtirok etadi.

"Bortida dengiz piyoda askarlari bo‘lgan Carter Hall (LSD-50) desant kemasi 17 mart kuni Qora dengizga Ruminiya bilan ikki tomonlama mashg‘ulotlarda ishtirok etgani uchun keldi", deb ma'lum qildi AQSh HDKning Neapolda joylashgan 6-floti matbuot xizmati. Mashg‘ulotlarning asosiy bosqichi Ruminiyaning Konstansa shahri sohillari yaqinida o‘tadi.

Sociedad Rumana de Radiodifusión radiosi ma'lumotlariga ko‘ra, mashg‘ulotlarda 1,2 ming rumin va amerikalik harbiy ishtirok etadi. Ular Ruminiyaning sohilbo‘yini va sohilbo‘yidagi shaharlarni himoyalashni mashq qiladilar. Mashg‘ulotlarda shuningdek Ruminiya floti kemalari va harbiy-havo kuchlari samolyotlari ishtirok etadi.