Yo‘lovchi samolyot quladi, ko‘plab qurbonlar bo‘lishi mumkin

Janubiy Sudanda yo‘lovchi samolyoti halokatga uchradi, uning bortida 44 kishi bo‘lgan, ularning barchasi katta ehtimol bilan halok bo‘ldi, deb xabar bermoqda Airlive portali.

Reyter agentligi ham guvohlarga asosan samolyot halokatga uchragani haqida xabar tarqatdi.

Portal ma'lumotiga ko‘ra, hodisa G‘arbiy Bahr-al-G‘azal viloyatining ma'muriy markazi bo‘lmish Vau shahri aeroportida yuz bergan.

Hodisa tafsilotlari aniqlashtirilmoqda.