Alangalangan gaz ballonini tezda qanday o‘chirish mumkin?
Hindiston poytaxti Nyu-Dehli politsiyachisi Sushil Kumar ko‘chada odamlarga alangalangan gaz ballonini tezda o‘chirish usulini namoyish qildi. Kumar bu jarayonning videosini Feysbukdagi sahifasida joylashtirgan.
Kumar agar gaz balloni gaz sizib chiqishi oqibatida alangalansa, olovni o‘chirish uchun gaz ballonini ho‘l latta bilan o‘rab olish kerakligini ko‘rsatdi. Uning aytishicha, ho‘l latta kislorod kelishini kamaytirib, olovni o‘chirishga yordam beradi. Biroq politsiyachi bundan avval avariyaviy xizmatni chaqirtirish lozimligini eslatib o‘tdi.
Kumarning sahifasida joylashtirilgan bu rolikni ayni vaqtda 7 mln ga yaqin kishi tomosha qilgan. Times Of India nashrining ta'kidlashicha, gaz ballonlari portlashi oqibatida odamlar halok bo‘lgan hodisalar deyarli har kun yuz beradi.
Shunday oxirgi voqealardan biri 15 mart kuni Hindistonning Kanpur shahridagi korxonalardan birida yuz bergan. Bu yerda gaz portlashi 6 kishining halok bo‘lishiga va yana 13 kishining yaralanishiga sabab bo‘lgan.
Mavzuga oid
12:54 / 05.10.2024
Hindistonlik erkak noodatiy avtomobillar kolleksiyasi bilan Ginnesning rekordlar kitobiga kirdi
23:02 / 03.10.2024
Hindiston Oliy sudi qashshoq oiladan chiqqan talabaning kollejga kirish orzusini ro‘yobga chiqardi
21:04 / 02.10.2024
Hindistonda o‘qituvchilar «maktab farovonligi» uchun o‘quvchini qurbon qilishdi
22:15 / 01.10.2024