Aholi va qishloq xo‘jaligini ro‘yxatga olish tadbirining dastlabki natijalariga ko‘ra, O‘zbekiston hududida 1 yildan ortiq muddat istiqomat qilayotgan 56 860 nafar xorijiy fuqaro ro‘yxatga olingan.
Shundan 19 300 nafari Toshkent shahrida istiqomat qilmoqda.
Bu haqda aholi va qishloq xo‘jaligini ro‘yxatga olish tadbirining dastlabki natijalariga bag‘ishlangan matbuot anjumanida ma’lum qilindi.
Ma’lum bo‘lishicha, O‘zbekistonda yashayotganiga 1 yildan oshgan har to‘rt nafar xorijlikdan biri – hindistonlik.
Ro‘yxatga olingan xorijiy fuqarolar davlatlar kesimida:
-
Hindiston — 13 312 nafar;
-
Rossiya Federatsiyasi — 10 826 nafar;
-
Qozog‘iston — 9 425 nafar;
-
Tojikiston — 5 722 nafar;
-
Turkmaniston — 5 347 nafar;
-
Qirg‘iziston — 4 397 nafar;
-
Pokiston — 1 433 nafar;
-
Xitoy — 1 031 nafar;
-
Turkiya — 811 nafar;
-
Koreya Respublikasi — 691 nafar;
-
Boshqa davlatlar — 3 865 nafar.
Milliy statistika qo‘mitasiga ko‘ra, 2025 yilda O‘zbekistonga eng ko‘p Hindistondan – 17 241 kishi o‘qish maqsadida kelgan.
2026 yil yanvar-may oylarida O‘zbekistonga Hindistondan 20 807 nafar sayyoh kelgan.
2026 yil 1 iyun holatiga, O‘zbekistonda Hindiston kapitali ishtirokidagi 413 ta korxona faoliyat yuritmoqda.
