Qirg‘izistonning O‘sh viloyatida militsiya podpolkovnigi Toir Ularovni o‘ldirib ketishdi. Bu haqda viloyat IIB ma'lumotiga asoslanib, «24.kg» axborot agentligi xabar bermoqda.
Ma'lumotlarga ko‘ra, Ularov IIV qoshidagi giyohvand moddalarining noqonuniy aylanishiga qarshi kurash bo‘limida ishlagan.
«O‘lim sababini boshning orqa qismiga berilgan jarohatlar tashkil etadi. Tezkor-surishtiruv guruhi tuzildi. Zarur chora-tadbirlar olib borilmoqda va dastlabki taxminlar o‘rganilmoqda», — deyiladi hudud IIB bergan ma'lumotda.
