Putin va Medvedev 27 daraja sovuqda Arktikni qanday tozalashganini ko‘rishdi

Rossiya prezidenti Vladimir Putin va bosh vaziri Dmitriy Medvedev Arktikani «to‘liq tozalash» ishini baholashdi, deb xabar qilmoqda TASS agentligi.

Ta'kidlanishicha, bu vaqtda havo harorati -27°C darajani tashkil etgan. 

Prezident va hukumat raisi maxsus tomosha maydoniga ko‘tarilib, u yerdan Shimoliy Muz okeani hamda bir vaqtlar chiqindi bilan to‘lib toshgan, endilikda, imkon darajasida tozalangan hududni ko‘ra olishgan.

Bajarilgaan ishlar natijalari xususida tabiiy zaxiralar vaziri Sergey Donskoy hisobot bergan. Putin va Medvedevning amaliy tashrifida mudofaa vaziri Sergey Shoygu hamda prezidentning ekologiya va transport masalalari bo‘yicha maxsus vakili Sergey Ivanov hamrohlik qilgan.