AQSh atom aviatashuvchisi Singapurga kelmoqda

AQSh harbiy-dengiz kuchlarining Carl Vinson atom aviatashuvchisi bugun Singpurga keladi. Bu holat Yaponiya o‘zini-o‘zi mudofaa qilish dengiz kuchlari hamda Koreya Respublikasi HDK kemalari bilan hamkorlikdagi mashqlar yakunlangach, yuz bermoqda, deb xabar beradi The Straits Times nashri.

"Singapur portiga kirish biz ikki davlatning mudofaa sohasidagi hamkorligiga oid kelishuvni bajarayotganimizdan darak beradi", - deya ma'lum qildi AQSh HDK aviatsia zarba berish guruhi qo‘mondoni kontr-admiral Jyeyms Kilbi. Uning so‘zlariga ko‘ra, “har ikki davlat dengiz va havo kengliklaridan qonuniy foydalanish Osiyo-Tinch okeani mintaqasidagi barcha davlatlarning tinchligi, farovonligi va xavfsizligi uchun juda katta o‘rin tutishini tushunadi”.

Xabarlarga ko‘ra, aviatashuvchi Singapurda to‘xtaganidan so‘ng, hamroh kemalar bilan birga Tinch okeani g‘arbiy qismiga yo‘l oladi.