Afg‘onistonda "Tolibon"ning ikki muhim yetakchisi yo‘q qilindi

Afg‘onistonning sharqidagi G‘azni viloyatida "Tolibon" radikal harakatining ikki muhim yetakchisi yo‘q qilindi. Bu haqda viloyat politsiyasi boshlig‘i Aminulloh Omarkxil ma'lum qildi, deb xabar bermoqda "Sinxua" axborot agentligi. 

"Tolibon"ning ikki nafar yetakchisi Mavlaviy Rashid va Mavlaviy Nafiz Gero tumaniga 7 aprel kechasi uyushtirilgan havo reydlarida yo‘q qilingan 6 jangari orasida bo‘lgan", deb aytdi Omarkxil.

"Tolibon" vakillari bu ma'lumotga hozircha izoh berishmagan.

Mutaxassislarning fikricha, oxirgi vaqtda ekstremistlar Afg‘onistonning sharqiy va janubiy viloyatlari Logar, Nangarxor, Gilmendda va shimolidagi Qunduz, Jauzjon va Parvonada ancha mustahkamlashib olganlar. Shu bilan birga "Tolibon"ning borgan sari ko‘proq dala qo‘mondonlari va jangarilari IShIDga sodiqlikka qasamyod keltirmoqdalar.