Putin Suriyadagi xorijiy jangarilar qanchaligini ma'lum qildi

Suriyada taxminan 20 ming atrofida xorijlik jangari jang qiladi, ularning salkam 10 ming nafari MDH mamlakatlaridan. Rossiya prezidenti Vladimir Putin shu haqda bayonot berdi. 

"Turli hisob-kitoblarga ko‘ra, taxminan 20 ming xorijlik jangari Suriyada urushmoqda, ularning salkam 10 minggi MDH fuqarolari. Turli ma'lumotlarga ko‘ra, ularning yarmidan kamrog‘i (20 mingdan) rossiyaliklar. 5 mingga yaqini Markaziy Osiyo mamlakatlaridan. Ular, asosan, KXShT (Kollektiv xavfsizlik shartnomasi tashkiloti) davlatlari hissasiga to‘g‘ri keladi", — degan  Putin "Mir" telekanaliga bergan intervyusida. Uning qayd etishicha, tahdid haqiqatdan ham ulkandir. 

"Biz tahdid ko‘lamini tushunib turibmiz va uni kamaytirish uchun barcha choralarni ko‘rishimiz kerak. Shuning ustida ishlayapmiz", — deb ishontirgan RF rahbari. 

Uning ta'kidlashicha, terrorchilar ustidan g‘alaba qozonish uchun sa'y-harakatlarni birlashtirish zarur. 

"Aks holda muvaffaqiyat qozonish dargumon", — deb qo‘shimcha qilgan Putin.