Jizzax viloyati hokimligi rahbariyati tarkibida o‘zgarish yuz berdi

Jizzax viloyati hokimining qishloq va suv xo‘jaligi masalalari bo‘yicha o‘rinbosari lavozimiga Xolmatov Rustam Qurbonnazarovich tayinlandi. Bu haqda Jizzax viloyati hokimligi matbuot xizmati xabar berdi.

R.Xolmatov Toshkent viloyati Oqqo‘rg‘on tumani “Oqqo‘rg‘on” shirkatlar birlashmasi bosh iqtisodchisi, Toshkent viloyati Oqqo‘rg‘on tumani hokimining birinchi o‘rinbosari, Toshkent viloyati Chinoz tumani hokimi, Toshkent viloyati hokimining birinchi o‘rinbosari – viloyat qishloq va suv xo‘jaligi boshqarmasi boshlig‘i, Toshkent viloyati Quyi Chirchiq tumani hokimi, Toshkent viloyati hokimi, “Paxtasanoat Ilmiy Markazi” aksiyadorlik jamiyati ishlab chiqarish va iqtisod bo‘limi boshlig‘i, shu aksiyadorlik jamiyati boshqaruvi raisi maslahatchisi, Toshkent viloyati Bekobod tumani hokimi lavozimlarida mehnat qilgan.

Bu lavozimda shu vaqtgacha Do‘stlik tumani hokimi Aripov Akram Oromovich faoliyat yuritayotgan edi.