10:35 / 15.04.2017
7955

Ohangaronda o‘g‘irlikni kasb qilib olgan shaxs qo‘lga olindi

Ohangaron tumanida istiqomat qiluvchi 1988 yilda tug‘ilgan X. Timofey muqaddam ham jinoyat sodir etganligi bois javobgarlikka tortilgan bo‘lsada, bundan xulosa chiqarmay o‘zgalarning mol-mulkini yashirin  ravishda talon-taroj qilishga urinadi, deb xabar bermoqda O‘zbekiston Respublikasi IIV matbuot xizmati

Ohangaron markaziy dehqon bozori hududida joylashgan shu tumanda yashovchi fuqaroga tegishli bo‘lgan maishiy texnika do‘konini kirish eshigini buzish yo‘li bilan kirib, u yerdan  bahosi 3.000.000 so‘mlik  “Samsung”  rusumli noutbuk, umumiy bahosi 1.000.000 so‘m miqdoridagi telefon aksessuarlarini o‘g‘irlab jinoyat sodir etgan joydan yashiringan.

Shuningdek, u o‘z jinoiy faoliyatini davom ettirib, Ohangaron tumani,  Yangiobod mahallasi Anhor ko‘chasida joylashgan oziq-ovqatlar do‘konining oynasini tosh bilan urib sindirib kirib,  do‘kondan jami umumiy bahosi  2.760.100 so‘mlik oziq-ovqat mahsulotlarini olib ketgan.

Bundan tashqari, X. Timofey o‘z jinoiy faoliyatini davom ettirib, Ohangaron tumani, Navro‘z ko‘chasida joylashgan fuqaroning uyiga g‘ayriqonuniy ravishda kirgan vaqtida jinoyat ustida ushlangan.

Hozirgi vaqtda ushbu holatlar bo‘yicha O‘zbekiston Respublikasi Jinoyat Kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.

Top