Toshkentda "Xalqaro Gemofiliya bemorlari kuni” munosabati bilan bayram tadbiri bo‘lib o‘tdi

Gematologiya va qon quyish ilmiy tekshirish instituti Gemofiliya va qon tizimi Depressiyasi Markazida 17 aprel “Xalqaro Gemofiliya bemorlari kuni” munosabati bilan bayram tadbiri bo‘lib o‘tdi. Mazkur tadbir Gematologiya va qon quyish ilmiy tekshirish instituti xamda Toshkent shahar nogiron gemofiliya bemorlari Jamiyati tashabbusi bilan tashkil qilindi.

Dastlab gemofiliya bemorlari, ularning ota onalari, yaqinlari hamda shifokorlar ishtirokida Toshkent shahar nogiron gemofiliya bemorlari jamiyatining hisobot yig‘ilishi bo‘lib o‘tdi.

Shundan so‘ng kasalxonada davolanayotgan bemorlar holidan xabar olinib, ular uchun dasturxon yozildi. An'anaga ko‘ra o‘zbek milliy taomi – osh tarqatildi. Mehrga tashna bemorlar bir piyola choy ustida dildan suhbatlashishdi.