Zidan: «Kallani ishlatish kerak»

«Real» bosh murabbiyi Zinedin Zidan Ispaniya chempionatining 33-turidan o‘rin olgan «Barselona»ga qarshi uchrashuv (2:3) borasida o‘z fikrlari bilan o‘rtoqlashdi.

«Real»da xursandchilik qilish uchun sabab yo‘q. Juda ko‘p vaziyatlar yaratdik, ammo o‘yin nazoratini qo‘lga ola bilmadik. Hisob 1:0 bo‘lib turganida ustunlikni qo‘lga olmaganimizda har qanday vaziyat yuzaga kelishi mumkin edi. Natijada xafamiz. 10 kishi bo‘lib ham hisobni tenglashtirganingda, darhol kallani ishlatish kerak va butun jamoa bo‘lib himoyalanish talab etiladi.

Biz uchinchi golni urib, g‘alaba qozonib ketishimiz mumkin deb o‘yladik. Natijada orqa chiziqda «Barselona»ga juda katta bo‘sh zona qoldirdik va ular bundan foydalanib, g‘alaba qozonib ketishdi. 

Agar menda yana bir bor shu uchrashuvni takrorlash imkoniyati bo‘lganda, asosiy tarkib va zaxira bo‘yicha fikrimni o‘zgartirmagan bo‘lardim. Endi yaxshisi kelgusi uchrashuv haqida o‘ylash kerak», — deya Zidanning so‘zlarini keltiradi Marca.