15:17 / 25.04.2017
6081

Xitoy Shimoliy Koreyaga aviareyslarni tiklamoqchi

Xitoyning yetakchi aviatashuvchisi Air China 5 maydan boshlab KXDR poytaxti bilan havo qatnovini tiklaydi. Bu haqda Sina yangiliklar portali kompaniyadagi manbaga asosan xabar berdi.

"5 maydan boshlab Pxenyanga reyslar tiklanadi, parvozlarni bir haftada ikki bora amalga oshirish mo‘ljallanmoqda – dushanba va juma kunlari", - deya aytib o‘tdi manba jurnalistlarga.

Avvalroq Xitoy Markaziy televideniyesi Air China 14 aprel kuni Pxenyanga so‘nggi parvozini amalga oshirgani va bu yo‘nalishda yo‘lovchilar tashish to‘xtatilganini ma'lum qilgandi.

Ma'lumot uchun, Air China – Xitoyning KXDR bilan havo qatnovini amalga oshiruvchi yagona kompaniyasi. Pxenyanga va teskari yo‘nalish bo‘ylab reyslar haftasiga uch marotaba – dushanba, chorshanba va juma kunlari amalga oshirilgan. 

Mavzuga oid
Top