Xorazm Ma'mun akademiyasi uchun yangi tuzilma tasdiqlandi

Vazirlar Mahkamasining 2017 yil 14 apreldagi 211-sonli «Xorazm Ma'mun akademiyasining faoliyatini yanada rivojlantirish va takomillashtirishga doir qo‘shimcha chora-tadbirlar to‘g‘risida»gi Qarori qabul qilindi.

Qaror bilan O‘zbekiston Respublikasi Fanlar akademiyasining mintaqaviy bo‘limi - Xorazm Ma'mun akademiyasiga qo‘shimcha vazifalar yuklatildi.

Shuningdek Xorazm Ma'mun akademiyasining tuzilmasi, uning faoliyatini yanada rivojlantirish va takomillashtirish bo‘yicha chora-tadbirlar tasdiqlandi.

Bundan tashqari, Xorazm viloyatida ilm-fan bilan bog‘liq barcha ishlarni zamon talablari darajasida muvofiqlashtirish maqsadida Xorazm Ma'mun akademiyasi huzurida Ilmiy-muvofiqlashtiruvchi kengash tashkil etish to‘g‘risidagi taklif ma'qullandi.

Qarordan kelib chiqib, tegishli davlat organlariga topshiriqlar berildi.