«Atletiko» Ispaniya chempionati 34-turi doirasida o‘z maydonida «Vilyarreal»ni qabul qildi. Madriddagi «Visente Kalderon» stadionida bo‘lib o‘tgan uchrashuv 0:1 hisobida mehmonlar foydasiga hal bo‘ldi.
«Sariq submarina» g‘alabasini jamoaning italiyalik yarim himoyachisi Roberto Sorianoning 82-daqiqada urgan goli ta'minladi.
«Atletiko» 68 ochko bilan Ispaniya Primerasi turnir jadvalida uchinchi o‘rinda bormoqda. To‘rtinchi o‘rindagi «Sevilya» hisobida esa 65 ochko bor. Ushbu tur yakuniga ko‘ra, «Sevilya» Madrid jamoasiga yetib olishi mumkin. 60 ochkoga ega «Vilyarreal» esa beshinchi o‘rinda.
