Rossiya FXX rahbari: IShID global terrorchilik tarmog‘i tashkil etishga urinmoqda

IShID va "Jabhat-an-Nusra" guruhlari o‘zlarining mag‘lub bo‘lishlarini his qilgan hollarida usullarini o‘zgartirishdi va amalda yangi global terrorchilik tarmog‘i tashkil etildi. Rossiya federal xavfsizlik xizmati direktor Aleksandr Bortnikov Xalqaro xavfsizlik bo‘yicha Moskva konferensiyasida shunday fikrni ilgari surdi, deb xabar qilmoqda RIA Novosti. 
 
"Yirik xalqaro terrorchilik guruhlar, xususan IShID va "Jabhat-an-Nusra" rahbarlari hamda avval faoliyat yuritgan "Al-Qoida" kabi guruhlarning qoldiqlari, batamom yo‘q qilinishini sezganlari holda o‘z siyosatlarini o‘zgartira boshlashdi. Jumladan, ular jangarilarini Afg‘oniston, Yaman va Afrika qit'asining ichkarisiga tashlamoqda. Bu yerlarda yangi bazalari va lagerlarini barpo etmoqda. Gap yangi keng qamrovli terrorchilik tarmog‘i haqida bormoqda", — degan Bortnikov.