Afg‘onistonda IShID safida 3,5 ming jangari borligi ma'lum qilindi

Afg‘onistonda IShID terrorchilik guruhi saflariga hozirdayoq 3,5 ming kishi qo‘shilgan, deb xabar bermoqda TASS axborot agentligi.   

Bu haqda Rossiya qurolli kuchlari bosh shtabi bosh boshqarmasi boshlig‘i Igor Korobov ma'lum qildi. 

"Afg‘onistonda IShID pozitsiyalarining kuchayishi alohida xavotir uyg‘otmoqda. Ayni vaqtda jangarilar saflarida 3,5 mingga yaqin odam bor", deb aytdi Korobov.

Korobovning aytishicha, IShID 2018 yilgacha o‘z a'zolari sonini kamida 2 barobarga oshirmoqchi.