Samarada 14 ta avtomobil ishtirokida YTH yuz berdi: jabrlanganlar orasida o‘zbekistonliklar bor

Rossiyaning Samara shahri yaqinida 14 ta avtomobil to‘qnashib ketdi. Oqibatda besh kishi jarohat oldi, dastlabki ma'lumotlarga ko‘ra, ularning ikki nafari O‘zbekiston fuqarolari. Bu haqda RIA Novosti mintaqa tezkor xizmatlardagi manbaga asosan xabar berdi.

"Avtomobil yo‘lining 965-kilometrida 14 ta avtotransport vositasi to‘qnashib ketdi. Besh kishi jarblandi, ularning ikki nafari O‘zbekiston fuqarosi", - deya aytib o‘tgan agentlik suhbatdoshi.

Manbaning so‘zlariga ko‘ra, jabrlanganlarning barchasi o‘rta og‘irlikdagi jarohatlar bilan kasalxonaga yotqizilgan. Hodisa tafsilotlari o‘rganilmoqda.