Krishtianu Ronaldu o‘ziga xos rekord o‘rnatdi

«Real» hujumchisi Krishtianu Ronaldu Ispaniya chempionatining 35-turida «Valensiya»ga qarshi uchrashuvda La Liganing joriy mavsumidagi 20-golini urdi.

Bu 32 yoshli futbolchining Yevropa milliy chempionatlaridagi 367-goli bo‘ldi - 3ta «Sporting»da (Portugaliya), 84ta - «Manchetser Yunayted»da (Angliya) va 280ta «Real»da (Ispaniya).

U bu orqali Jimmi Grivzni ortda qoldirdi. Bu futbolchi Angliyada 357ta va Italiyada 9ta gol urgandi. Ushbu angliyalik futbolchi 1957 yildan 1971 yilgacha («Chelsi», «Milan», «Tottenhem» va «Vest Hem») jamoalarida to‘p surgan.