Putin va Merkel Minsk kelishuvlari amalga oshirilishi oqsayotganini qayd qilishdi

Rossiya prezidenti Vladimir Putin va Germaniya kansleri Angela Merkel Minsk kelishuvlari amalga oshirilishi oqsayotganini qayd qilishdi. Bu haqda Putin matbuot kotibi Dmitriy Peskov ma'lum qildi. 

"Ukraina syujyetiga ko‘p e'tibor qaratildi, Minsk kelishuvlari amalga oshirilishi oqsayotgani qayd qilindi", deb ma'lum qildi Peskov.

Uning aytishicha, Putin va Merkel kelishuvlarga yangi turtki berish zarurligi haqidagi fikrga kelishdi.

Peskovning aytishicha, oqsashning sababi ko‘p jihatdan Kiyevning kelishuv bo‘yicha o‘z majburiyatlarini bajarishda oldinga siljiy olmayotgani bo‘lmoqda.  

Eslatib o‘tamiz, 2 may kuni Putin Sochida Merkel bilan uchrashuv o‘tkazdi.