Putin Jahon chempionati vaqtida viza rejimini soddalashtirish haqidagi qonunni imzoladi

1 may kuni Rossiya Federatsiyasi prezidenti Vladimir Putin «Rossiya Federatsiyasining ayrim qonun hujjatlariga o‘zgartirishlar kiritish to‘g‘risida»gi qonunni imzoladi. Unga ko‘ra futbol bo‘yicha Konfederatsiyalar kubogi va jahon chempionati vaqtida qonunda ba'zi o‘zgartirishlar amalda bo‘lishi ko‘zda tutilgan.

«Federal qonunlar asosida jahon chempionati yoki konfederatsiyalar kubogi ishtirokchilari bo‘lgan davlatlar fuqarolariga oddiy gumanitar vizalar, turnirga tayyorgarlik ko‘rish jarayonida ishtirok etadigan xodimlarga esa ishchi vizalar berish tartibi o‘rnatilgan», deyilgan RF Sport vazirligi xabarida.