AQSh va Janubiy Koreya Kim Chen Inga suiqasdda ayblandi

KXDRdagilar ma'lum qildiki, Qo‘shma Shtatlar va Janubiy Koreya maxsus xizmatlari shimol koreyslari rahbarini o‘ldirishga urinishgan. Bu haqda Koreya Markaziy telegraf agentligiga asoslanib «Sinxua» agentligi xabar tarqatgan.

AFP ma'lumotiga ko‘ra, KXDR AQSh Markaziy razvedka boshqarmasini Kim Chen Inning hayotiga suiqasd qilishda ayblagan.

Xabar qilinishicha, AQSh va Janubiy Koreya Kim Chen Inni biokimyoviy quroldan foydalangan holda o‘ldirishni rejalashtirgan.

Shimolliklarning ta'kidlashicha amerikalik va janubiy koreyalik josuslar KXDR hududiga kirib olib, davlat rahbariga hujum qilmoqchi bo‘lishgan, ammo ular o‘z vaqtida fosh etilgan.

KXDR Xavfsizlik xizmati vazirligi ma'lumotiga ko‘ra, amaliyotga shimoliy koreyaliklardan biri ham jalb etilgandi. 

KXDR AQSh va Janubiy Koreyadan uzr so‘rashni talab qilmoqda.

Bundan oldinroq Kim Chen In o‘z harbiylariga Janubiy Koreyaga hujum qilishga tayyorlanish vazifasini topshirgani xabar qilingandi.