JARda tuyaqush uni quchmoqchi bo‘lgan kishiga hujum qildi

Janubiy Afrikada g‘azablangan tuyaqush uni quchmoqchi bo‘lgan kishiga hujum qildi. Voqea tasvirga tushirilgan video YouTube'da taqdim etildi.

Videoda kishining tuyaqushga yaqinlashgani, shundan keyin qushning xavfsirab unga hujum qilgani hamda yerga yiqitganini ko‘rish mumkin. Yaqin atrofda turgan kishilar tuyaqushni qo‘rqitib, qochirishga muvaffaq bo‘lishadi. 

Video ostidagi sharhlarga ko‘ra, jabrlanuvchining ismi - Tini Van Vik. U Janubiy Afrikaning Brakpan shahridagi tuyaqush fermasida o‘sgan. 

Jabrlanuvchi hech qanday jiddiy jarohat olmagan. "Men qandaydir tikanli o‘simlik ustiga quladim, hamma joyim tilindi. Shuni hisobga olmasak, hammasi joyida", - deydi Van Vik.

Bundan avval kanalimiz orqali o‘zbek yigitining tuyaqushga yaqinlashmoqchi bo‘lgani, keyin esa undan qo‘rqib qochgan videosi taqdim etilgan edi.