Nyu-Yorkdagi daryoga 140 ming litr neft mahsuloti to‘kildi

Nyu-Yorkda Ist-River kemalar o‘tish bo‘g‘ozi minglab litr neft mahsulotlari bilan ifloslandi. Bu Consolidated Edison energetika kompaniyasi obektida sodir bo‘lgan hodisa oqibatida yuz berdi, deb xabar qilmoqda The New York Post.

«Ist-River bo‘ylab yo‘l neft bilan ifloslanish natijasida biroz sekinlik bilan kechadi», - deyiladi Nyu-York kema qatnovi xizmatining tvitterida.

Ta'kidlanishicha, tashkilot xodimlari barcha kemalar uchun yo‘lni to‘sib qo‘ygan holda “xavfsizlik zonalari”ni tashkil qilishdi. Hozirda qirg‘oq va suvni neftdan tozalash jarayoni davom etmoqda.

Sohilni qo‘riqlash xizmati ma'lumotiga ko‘ra, suvga 37 ming gallon neft moyi (140 ming litr) to‘kilgan.