18:25 / 14.05.2017
25941

Toshbaqa sho‘rva va qurbaqali ragu - Jakarta ekzotikasi

Foto: Anadolu

Indoneziyaning qoq markazida sudralib yuruvchilar bilan savdo qilinuvchi bozor joylashgan. "Anadolu" agentligi shu haqidagi ma'lumoti bilan bo‘lishdi.

Bozor Jakartaning xitoyliklar dahasida joylashgan. Bu yerda istagan odam toshbaqalar, qurbaqalar, shilliqurtlar va ilonlarni xarid qilishi mumkin.

Qoidaga ko‘ra, bozor mahsulotlarini asosan xitoyliklar xarid qilishadi, zero ular qurbaqali ragular va toshbaqa sho‘rvalarni sevib iste'mol qilishadi.

Xitoyliklardan tashqari, bunday taomlarni yoqtiruvchi indoneziyaliklar ham bozorga tez-tez kelib turishadi.

Foto: Anadolu

Menyusida Xitoy taomlari bo‘lgan restoran va qahvaxonalar xodimlari ham bu bozordagi sudralib yuruvchilarni xarid qilishadi.

Xitoyliklar sudralib yuruvchilar go‘shti sog‘liq uchun foydali ekaniga ishonishadi. Ularning fikricha, ilon qoni allergiyani davolaydi, qurbaqalar go‘shti esa jigar kasalliklari uchun ayni muddao.

Foto: Anadolu

Olti kilogramm vaznga ega toshbaqa bozorda 5 dollarga sotilmoqda, ilon esa - 3 dollar atrofida.

Ta'kidlash joizki, Indoneziya aholisining 4 foizga yaqini xitoyliklardan iborat.

Foto: Anadolu
Mavzuga oid
Top