Konte «Chelsi»ga 6 nafar yangi futbolchi olib kelmoqchi

«Chelsi» bosh murabbiyi Antonio Konte yozgi transferlar vaqtida tarkibni kuchaytirmoqchi. Bu haqda The independent nashri xabar tarqatdi.

Manba ma'lumotiga ko‘ra, italiyalik mutaxassis yangi mavsum arafasida «ko‘klar» jamoasi tarkibini 6 nafar yangi futbolchi bilan to‘ldirmoqchi.

Qayd etilishicha, «Sauthempton» himoyachisi Virgil van Deyk va «Real» hujumchisi Alvaro Morata jamoaning yoz transferlar vaqtidagi asosiy nishoni bo‘ladi. Shuningdek, Konte Romelu Lukaku («Everton») variantini ham ko‘rib chiqmoqda. Boshqa nomzodlar nomi aniq keltirilmagan.

Konte «Chelsi» boshqaruviga o‘tgan yil yozida kelgandi va birinchi mavsumdayoq jamoaga chempionlik va Angliya Kubogini olib berdi.