Slovakiyada harbiylar ketayotgan yuk mashina daryoga tushib ketdi

Slovakiyaning Jyar-Gron shahri yaqinida mamlakat harbiy-havo kuchlari sinov bo‘limi harbiylari ketayotgan yuk mashinasi daryoga qulab tushdi.  

Mamlakat mudofaa vazirligi vakili Danka Tsapakovaning jurnalistlarga ma'lum qilishicha, yo‘l-transport hodisasi oqibatida 16 harbiy jarohat olgan, ulardan 4 nafarining ahvoli og‘ir deya baholangan.

Tsapakovaning aytishicha, avariya harbiy qism hududidagi tog‘li va o‘rmonli hududda yuz bergan. Mahalliy nashr Sme’ning ma'lum qilishicha, jarohatlanganlarni shifoxonalarga yetkazish uchun vertolyotlardan foydalanilgan.