Toshkent yo‘llaridagi ta'mirlash ishlari qanday davom etmoqda?

"Transyo‘lqurilish" DUK tomonidan ayni vaqtga qadar poytaxtning beshta tumanidagi bir qator ko‘chalarda – umumiy hisobda 11,81 km uzunlikdagi yo‘llar joriy va to‘la ta'mirlandi. Bunda – 207 000 kvadrat metr joyga asfalt yotqizildi, deb xabar bermoqda Avtomobil yo‘llari davlat qo‘mitasi matbuot xizmati.

Jumladan, Olmazor tumanidagi - "Talabalar" ko‘chasida 2,86 km, "Muxbir" ko‘chasida 1,3 km, "Beshqo‘rg‘on" ko‘chasida 1,7 km; Uchtepa tumanidagi - "Guliston" ko‘chasida 2,1 km, "Qurilish" ko‘chasida 1,6 km; Chilonzor tumanidagi Cho‘ponota ko‘chasida 1,1 km; Mirobod tumanidagi "Turkiston" ko‘chasida 0,9 km; Mirzo Ulug‘bek tumanidagi Maxtumquli ko‘chasida esa 0,25 km yo‘llar ta'mirlandi.

Quyidagi fotosuratlarda "Transyo‘lqurilish" DUK tomonidan poytaxtda amalga oshirilgan ishlarning ayrim misollari aks etgan.

“Bugungi kunda boshqa ko‘chalardagi yo‘l qurilishi va ta'mirlash jarayonlari dastur bo‘yicha davom ettirilmoqda”, deyiladi matbuot xizmati xabarida.