XMT: Falastin yoshlari – arzon ishchi kuchi

Isroilning Falastin yerlarini yarim asrlik istilosi Falastin mehnat bozorining shakllanishiga salbiy ta'sir ko‘rsatdi. Bu haqda Xalqaro mehnat tashkiloti hisobotida aytilgan.

«Falastinliklar shu sababdan jiddiy muammolarga duch keldi. Mahalliy mehnat bozori yomon ahvolda va samarasiz», - deyiladi hisobotda.

Hujjatda ta'kidlanishicha, jiddiy cheklovlar qishloq xo‘jaligi va ishlab chiqarishning rivojiga, Falastinda yangi ish o‘rinlarini yaratishga to‘siq bo‘lmoqda.

XMT bosh direktori Gay Rayderning shu munosabat bilan ma'lum qilishicha, Isroil Osloda 1993 yilda imzolangan Kelishuv talablarini buzmoqda. Unda Isroil va Falastin aholisi uchun bir xildagi sharoitlarga ega mehnat bozorlarini tashkil etish nazarda tutilgan.