Tramp: Gruziya mintaqada demokratiya jihatdan yetakchidir

AQSh prezidenti Donald Tramp Gruziya bosh vaziri Georgiy Kvirikashviliga yo‘llagan maktubida gruzin xalqini Mustaqillik kuni bilan qutladi. Bu bayram 26 may kuni nishonlanadi. Gruziya hukumati matbuot xizmati maktub matnini e'lon qilgan.

«Gruziya mustaqillikka erishganidan so‘ng demokratiya sohasidagi yetakchiga aylandi, bu esa jahon xavfsizligiga foyda keltirmoqda», - deya yozgan Tramp.

Uning ta'kidlashicha, Gruziya tashqi bosimga qaramay, o‘z kelajagini aniqlashtirish tomoniga qarab aniq harakat qilmoqda.

«Qo‘shma Shtatlar xalqaro miqyosda tan olingan chegaralar doirasida Gruziya suvereniteti va hududiy yaxlitligini qo‘llab-quvvatlaydi», - deya qo‘shimcha qilib o‘tgan Amerika prezidenti.