Tver viloyatida 8 kishi otib tashlandi

Rossiyaning Tver viloyatidagi posyolkada sakkiz kishi qotillik qurboni bo‘ldi. Bu haqda TASS nashri Rossiya Tergov qo‘mitasi rasmiysi Svetlana Petrenkoga asoslangan holda xabar tarqatdi.

«Rossiya Tergov qo‘mitasining Tver viloyati bo‘yicha tergov organlari 8 kishi — ikki ayol va olti erkakning o‘limi bo‘yicha jinoiy ish qo‘zg‘atdi», — deya xabar bergan u.

Hodisa Konakovskiy tumanining Redkino posyolkasidagi marosimlardan biri vaqtida ro‘y bergan. Xabar qilinishicha, maishiy janjal vaqtida ishtirokchilardan biri uydan qurol ko‘tarib chiqqan va «o‘zini xafa qilganlar»ga o‘t ochgan.

Ayni vaqtga gumonlanuvchi qo‘lga olingan. Yaqin vaqtlar ichida u tergov qilinadi.