Misr Qatar bilan diplomatik aloqalarni nima sababdan uzganini ma'lum qildi

Foto: AP

Misr Qatar bilan diplomatik aloqalarni uzish haqidagi qarorni, Doha “Musulmon birodarlar” assotsiatsiyasi boshchiligidagi terrorchilik tashkilotlarini qo‘llab-quvvatlashni bas qilish borasidagi murojaatlarni e'tiborsiz qoldirganidan so‘ng qabul qildi. Bu haqda Misr TIV bayonotida aytiladi.

“Misr Arab Respublikasi hukumati Qatar bilan diplomatik aloqalarni uzish haqidagi qarorni, ushbu mamlakat hukumati Misrga nisbatan dushmanlik kayfiyatida siyosat olib borgani va “Musulmon birodarlar” boshchiligidagi terrorchilik tashkilotlarini qo‘llab-quvvatlashni bas qilmagani tufayli qabul qildi”, - deya diplomatik idora rasmiy vakili bayonotini keltiradi RIA Novosti.

Ta'kidlanishicha, Qatar “Misr hududidagi teraktlarga aloqador bo‘lgan “Musulmon birodarlar” yetakchilariga boshpana taqdim etishda davom etmoqda”.

Avvalroq to‘rt arab davlati Qatar bilan diplomatik aloqalarni uzgani haqida xabar bergandik.

Tayyorlagan: Отабек Матназаров

#Qatar #Misr

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.