Zimbabveda avtobus ag‘darilib ketdi, qurbonlar juda ko‘p

Zimbabve shimolida avtobusning ag‘darilib ketishi tufayli kamida 45 kishi halok bo‘ldi. Bu haqda AP agentligi xabar bergan.

Ma'lumotlarga ko‘ra, hodisa chorshanba kuni kechqurun poytaxt Xararedan 156 kilometr masofada ro‘y bergan. Avtobus Zambiyaga ketayotgan bo‘lgan. Dastlabki ma'lumotlarga qaraganda, haydovchi keskin burilish paytida boshqaruvni yo‘qotgan, natijada mashina yo‘l chetidagi ustunga borib urildi va ag‘darilib ketdi.

Aksariyat zimbabveliklar har kuni avtobusda Zambiyaga borib, u yerda oziq-ovqat mahsulotlari va kiyim-kechak bilan savdo qilishadi.