Yevropada 2018 yilgi jahon chemionati saralashi doirasida F guruhida uchinchi uchrashuv ham yakunlandi.
Slovakiya Litva ustidan muhim g‘alabaga erishdi. Vilnyusdagi «LFF — Vetra» stadionida kechgan uchrashuvda mehmonlar 2:1 hisobidagi g‘alabaga erishdi.
32-daqiqada Vladimir Vayss Marek Hamshikning pasidan keyin hisobni ochdi. Ikkinchi bo‘limda Hamshikning o‘zi Litva darvozasini ishg‘ol etdi. O‘yin oxirida Arvidas Novikovas bitta javob golini yo‘lladi.
Bu g‘alabadan keyin slovaklar ochkolari sonini 12taga yetkazdi va Sloveniyani quvib o‘tib, 14 ochko bilan guruhda peshqadamlik qilayotgan Angliyadan keyingi ikkinchi o‘ringa joylashdi.
JCh-2018 saralashi, Yevropa
6-tur
Litva – Slovakiya 1:2 (0:1, 1:1)
Gollar: 0:1 – 32 Vayss, 0:2 – 58 Hamshik, 1:2 – 90 Novikovas.
Litva – Zubas, Kiyanskas, Slavitskas, Borovskis, Klimavichyus, Kuklis, Slivka (Dapkus, 75), Chernyx, Valskis (Matulyavichyus, 72), Shyarnas, Novikovas.
Slovakiya – Dubravka, Pekarik, Dyuritsa, Shkrtel, Shkrinyar, Mak (Rusnak, 77), Hamshik, Duda (Benesh, 90), Gregush, Vayss, Gubochan (Domber, 58).
Ogohlantirishlar: Valskis (35), Shkrtel (40), Shkrinyar (42), Klimavichyus (57), Shyarnas (69), Dyuritsa (90).
