Donbassda 2014 yildan beri 10 mingdan ortiq inson halok bo‘ldi

Donbassdagi mojaro vaqtida 10 mingdan ortiq kishi halok bo‘ldi, yana 24 mingga yaqin kishi yaralandi. Bu haqda BMTning inson huquqlari bo‘yicha oliy komissari boshqarmasining Ukrainadagi vaziyatga bag‘ishlangan 18-hisobotida aytildi.

«2014 yilning apreli o‘rtalaridan 2017 yilning 15 may kuniga qadar kamida 10 090 kishi o‘ldirildi (ularning 2 777 nafari – oddiy aholi), kamida 23 966 inson yaralandi», - deyiladi hisobotda.

Ta'kidlanishicha, 1,6 mln.dan ortiq shaxs o‘z uyini tark etishga majbur bo‘lgan.