Dunyoning eng yaxshi va yomon aeroportlari ma'lum qilindi

Buyuk Britaniyaning to‘rtta aeroporti dunyoning eng yomon havo qo‘nalg‘alari reytingidan joy oldi, deb xabar bermoqda Sky News.

Ro‘yxat reys ushlanib qolganda tovon puli to‘lash masalalari bilan shug‘ullanuvchi AirHelp kompaniya tomonidan yo‘lovchilarni so‘rovdan o‘tkazish asosida tuzildi.

Reytingda eng yomon aeroport sifatida Kuvayt xalqaro aeroporti e'tirof etildi.

Ikkinchi o‘rinni Londonning Gatviki egallagan bo‘lsa, uchinchi – Britaniyaning Manchesteri aeroporti, to‘rtinchi – AQShdagi Nyuark, beshinchi – Buyuk Britaniyadagi Stansted, oltinchi – Shotlandiyadagi Edinburg, yettinchi – Hindistondagi Mumbay, sakkizinchi – BAAdagi Dubay, to‘qqizinchi – Bangkokdagi Suvarnabxumi, o‘ninchi pog‘onani esa – Hindistonning Dehlisidagi aeroport band etdi.

Shuningdek, kompaniya eng yaxshi aeroportlar ro‘yxatini ham tuzib chiqdi: birinchi o‘rin – Singapurdagi Changi, ikkinchi – Germaniyadagi Myunxen, uchinchi – Hongkong aeroporti, to‘rtinchi – Daniyaning Kopengageni, beshinchi pog‘ona – Finlyandiyaning Xelsinkisidagi aeroportga nasib etdi.