Qozog‘iston va Gruziya prezidentlari Ostona shahrida uchrashadi

Foto: RIA Novosti

Qozog‘iston prezidenti Nursulton Nazarboyev va Gruziya rahbari Georgiy Margvelashvili seshanba kuni Ostona shahrida ikki davlat o‘rtasidagi hamkorlik masalasini muhokama etishadi.

Kutilishicha, davlat rahbarlari muzokaralarni kunning birinchi yarmida Qozog‘iston yetakchisining qarorgohi Oqo‘rdada o‘tkazadilar.

Avvalroq Gruziyaning Qozog‘istondagi elchisi Zurab Abashidze bu tashrif Qozog‘iston hamda Gruziya o‘rtasidagi siyosiy, savdo-iqtisodiy, sarmoyaviy va madaniy-gumanitar munosabatlar rivojiga qo‘shimcha turtki berishi haqida ma'lum qilgandi.