OAV: rus xakerlari AQShda shaharlarni chiroqsiz qoldirishi mumkin

Rus xakerlari CrashOverride nomli virusni yaratishdi, u energetik stansiya tizimiga kirsa, AQShdagi butun bir shaharni chiroqsiz qoldirishi mumkin. Bu haqda The Washington Post Dragos kompaniyasi ma'lumotlariga asosan yozmoqda.

Ta'kidlanishicha, virus kompyuterga tushgach, elektr ta'minotini yetkazib berish bir necha soatdan bir necha kunga qadar to‘xtab qolishi mumkin.

Ekspertlar fikricha, virus tizimga sezdirmay kiradi va bir vaqtning o‘zida bir necha joyda ishlaydi.

Dragos hisoboti ma'lumotlariga ko‘ra, rus xakerlari zararli dasturdan o‘tgan yilda Ukraina energetika tizimlariga hujum qilish uchun foydalanishgan. Kompaniya xakerlar AQShdagi muhandislik tizimlariga ham qiziqish bildirishi mumkinligini istisno etmadi.