Malayziyada harbiy samolyot radarlardan yo‘qolib qoldi

Malayziyada harbiy samolyot radarlardan yo‘qolib qoldi. Bu haqda Channel NewsAsia xabar tarqatmoqda.

Hawk 108 qiruvchi samolyoti radarlarda ko‘rinmay qolgan. Samolyot Kuantan aviabazasidan havoga ko‘tarilgandi. Yarim soat o‘tib, Paxang va Trengganu shtatlari chegarasidan o‘tayotganida samolyot bilan aloqa uzilgan.

Malayziya Harbiy-havo kuchlari qidiruv-qutqaruv amaliyoti boshlagan, Mudofaa vaziri Hisomuddin Huseyn barchani uchuvchilar uchun duo qilishga chaqirgan.

Hawk 108 — britanlarning Hawk samolyotining eksport uchun chiqarilgan va  Malayziya uchun maxsus tayyorlangan variantidir. Bu ikki o‘rinli harbiy samolyot mashg‘ulotlar uchun qo‘llanadi. Ayni vaqtda Malayziya HHK tarkibida 4 dona Hawk 108 samolyoti bor edi.