Bryusselda Yevropa Ittifoqining ikki kunlik sammiti ochildi

Bryusselda 22 iyunda Yevropa Ittifoqining 28 ta davlati yetakchilari va bosh vazirlarining ikki kunlik uchrashuvi ochildi. Yevropa Ittifoqining keyingi sammiti oktabrda Estoniya raisligida bo‘lib o‘tadi. 

Joriy sammitning bosh mavzulari terrorchilikka qarshi kurash, Yevropa mudofaasini kuchaytirish, migratsiya inqirozi va Buyuk Britaniyaning Yevropa Ittifoqidan chiqishi hisoblanadi. Bundan tashqari, Yevropa Ittifoqi yetakchilari Ukrainadagi vaziyatni tartibga solish bo‘yicha Minsk kelishuvlarining amalga oshishini muhokama qilishmoqchi va Rossiyaga nisbatan iqtisodiy sanksiyalarni yana yarim yilga uzaytirish bo‘yicha qaror qabul qilishmoqchi.