Брюсселда 22 июнда Европа Иттифоқининг 28 та давлати етакчилари ва бош вазирларининг икки кунлик учрашуви очилди. Европа Иттифоқининг кейинги саммити октябрда Эстония раислигида бўлиб ўтади.
Жорий саммитнинг бош мавзулари террорчиликка қарши кураш, Европа мудофаасини кучайтириш, миграция инқирози ва Буюк Британиянинг Европа Иттифоқидан чиқиши ҳисобланади. Бундан ташқари, Европа Иттифоқи етакчилари Украинадаги вазиятни тартибга солиш бўйича Минск келишувларининг амалга ошишини муҳокама қилишмоқчи ва Россияга нисбатан иқтисодий санкцияларни яна ярим йилга узайтириш бўйича қарор қабул қилишмоқчи.
