Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
БАА маликалари бельгиялик хизматкорларни камситишда айбдор деб тан олинди
20:48 / 23.06.2017
12934

Бельгия суди амирлик маликаси Ҳамда Ан-Наҳайян ва унинг 7 нафар қизини хизматкорларни ноқонуний кўчиришда ва уларни камситишда айбдор дея тан олди. Associated Press шу ҳақида хабар берди. 

Уларнинг бари - саккиз киши 15 ойлик шартли қамоқ жазоси ва 165 минг евролик жаримага ҳукм қилинди. Шунингдек мазкур иш бўйича бош хизматкор ҳам тергов қилинган, бироқ у оқланган.

2008 йилнинг июлида полиция Ан-Наҳайян саккиз ой давомида ижарага олган Брюсселдаги меҳмонхонанинг тўртинчи қаватини тўлиқ тинтув қилган. Маълум бўлишича, 20 нафарча хизматкор 24 соат давомида маликалар учун хизмат қилган, баъзилари полда ухлашига тўғри келган.

Судда маликалар келишмади, уларнинг манфаатларини ҳуқуқшунослар ҳимоя қилишди. 


Улашинг
Top