26 iyunda Mo‘g‘ulistonda prezidentlik saylovlari munosabati bilan ovoz berish uchastkalari ochildi.
Ma'lum qilinishicha, mahalliy vaqt bilan soat 07:00da butun mamlakat bo‘ylab 1983 ta saylov uchastkasi ochildi. Ularda 1,978 mln kishi ovoz bera olishi mumkin.
Ovoz berish soat 22:00da yakunlanadi.
Prezident lavozimi uchun Mo‘g‘uliston xalq partiyasidan Miyeegombin Enxbold, Demokratik partiyadan Xaltmaagiyn Battulg va Mo‘g‘uliston xalq-inqilob partiyasidan Saynxuugiyn Ganbaatar kurash olib boradilar.
Agar nomzodlardan birortasi 50 foizdan ko‘proq ovoz to‘play olmasa, saylovlarning 2-bosqichi bo‘lib o‘tadi.