Boliviya prezidenti Evo Moralesning fikricha, AQSh dunyoda narkotrafik o‘sib borayotganiga mas'uldir. Bu haqda u tvitterda yozdi.
«DEA (AQShning narkotik moddalar bilan kurash boshqarmasi) va Amerika harbiy bazalari bor joyda narkotrafik, jinoyatchilik, noqonuniy boyish, korrupsiyaga aralashib qolgan elitalar ham ko‘payib boradi», - deya yozdi u.
Shuningdek, Moralesning yozishicha, AQSh giyohvand moddalar bilan kurashdan boshqa davlatlar hududiga bostirib kirish uchun bir sabab sifatida foydalanadi, biroq o‘zi aholisi orasida bunga qarshi kurashmaydi.
