Xitoylik ota bemor qizalog‘i qabrda qiynalmasligi uchun u bilan qabristonda o‘ynamoqda (foto)

Xitoylik fermer Jan Lingning qizi og‘ir dardga chalindi.

Sichean viloyatida yashovchi fermerning farzandiga gemoglabin yetishmovchiligi sabab qon aylanishidagi muammo tashxisi qo‘yilgan. Doktorlar uni qutqarib qolish imkonsiz ekanini aytishgan.

Daily Mail nashrining yozishicha, oila qizaloqning davolanishi uchun 15 ming dollar pul sarflagan, lekin qishloq joyda yashagani uchun hech kimdan pul ololmaydi va ortiq ishlatadigan puli yo‘q. Shu sabab taqdirga tan bergan ota qizi bilan har kuni u uchun qazilgan qabrda o‘ynamoqda. Bolakay shu tariqa o‘zi dafn qilinadigan joyga o‘rganadi deb o‘ylamoqda ota.

Xitoylik kishi bunday harakati bilan ommaning e'tiborini tortish va farzandiga yordam berish uchun harakat qilayotgan bo‘lishi ham mumkin.